بعد ملاحقة الشائعات الدائم له.. إيناس الدغيدي تدافع بشراسة عن عادل إمام

طمأنت المخرجة المصرية إيناس الدغيدي الجمهور عن حالة الممثل المصري عادل إمام، مؤكة أن كل ما يريده هو العيش بسلام.

وقالت إيناس: “بيتهيألي إن عادل إمام اكتفى، نجاح ونجح وفلوس وعمل وحب الجمهور وأخده، وصل لمرحلة مراجعة نفسه وهو عايز إيه من الدنيا، اعتقد وصل لمرحلة السلام النفسي وعايز يستمتع بحياته، عادل إمام عمره ما استمتع بحياته طول عمره بيشتغل مسرح وسينما أكتر فنان اشتغل، لو عندك آلة ليها عمر ما بالنا البشر هو النهاردة قاعد مبسوط بحياته وعيلته وأحفاده. طبعا كبر كلنا بنكبر السن مش عيب وأكيد خلاص مش عايز الصخب وحد يكتب عنه حاجة، لا المرض معايرة ولا السن معيارة كل الناس هتكبر والمرض ربنا ميكتبوش على حد”.
وأكملت إيناس الدغيدي خلال لقائها في برنامج “القرار” من تقديم نادية الزعبي عبر قناة “الغد”: “أنا عرفت من خلال أصحابه يسرا ولبلبة أن هو طبيعي بس خلاص مش مهتم بكل ما يحدث ومش عايز يسمع حاجات وحشة بيقولهم لما يكون في خبر وحش متقولوش مش عايز أعرفه هو عايز يعيش في سلام، وأنا بطلب من الجمهور أن يسيبوا عادل إمام في سلام يقضي أيامه اللي باقية في حياته مرتاح بدل ما كل يوم إشاعة أكيد بتضايقه”.