بشهر رمضان المبارك، بتتزين فلسطين بأجمل حللها والأجواء بتزيد روحانيةولأنه الفلسطينيين حريصين دائماً على إحياء تراثهم فأكيد منشوف برمضان الزي التقليدي الفلسطيني، فالرجال بيلبسوا الثوب الفضفاض يلي بيمتد لحد القدمين وغالباً بيغلب عليه اللون الأبيض وبيكون خالي من التطريز وممكن يكون مقلم بالأزرق والقمباز الطويل
مع الحزام على الخصر، والعباءة وأكيد الكوفية الفلسطينية والعقال.
أما النساء الفلسطينيات بيلبسوا أثواب مطرزة بألوان زاهية مع الشال أو المنديل يلي بتختلف تصاميمها وألوانها من منطقة إلى أخرى، فمدينة القدس بتشتهر بالثوب المقدسي بتطريزاته الكثيفة والألوان الداكنة، مثل الأسود والأحمر، أما ثوب بيت لحم، بيتميز بألوانه الزاهية ونقشاته الدائرية، وثوب رام الله باللونين الأبيض والأحمر لتكون هي الأثواب قصص تروى عبر الأجيال وبتحمل بكل غرزة تاريخ طويل من النضال والصمود
