عمرو أديب يوجه رسالة لمحمد صلاح : “تحدث حتى نراك وكلنا معاك متخافش”

يتعرض نجم كرة القم المصري محمد صلاح لعدد كبير من الانتقادات على منصات التواصل الاجتماعي بسبب عدم الإعلان عن موقفه تجاه الأحداث الجارية في فلسطين.

ووجه الإعلامي المصري عمرو أديب رسالة لنجم ليفربول اللاعب المصري محمد صلاح، بعد الانتقادات التي وجهت له بسبب عدم دعمه للشعب الفلسطيني.
وقال أديب: “عايز اطمنك أنه إلي حد ما لو تقارن الإعلام الإنجليزي بأي اعلام أوروبي آخر فهناك قدر من التوازن إلي حد ما يعني اللي بيتفرج على الـBBC هيشوف بعض التوازن فأنت يا محمد في مجتمع فيه عدد كبير من العرب والمسلمين وطبعا بيتكلموا أن تم تحذير النني بعد ما قال أنه مؤيد بس احنا محتاجين كلمتك يا محمد”
وتابع “حد هيقولي يعني هو محمد صلاح هو اللي هيوقف الضرب على غزة، لا بس الشباب منتظرين اللي مثلهم الأعلى فخر العربي، ينتظر الكبار للعون والنجدة محمد هذا هو وقت الكلام تحدث حتى نراك أنا اعلم اللي جواك متخفش كلنا معاك وموهبتك وقدرتك هتخليك تقدر تعبر هذا الأمر احنا مستنيينك”
وأضاف “وانا بقول للناس اللي بيهاجموه بشويش شوية ما هو في أندية مفتحتش بقها وكتير فيعني بشويش عليه وانا واثق أن ربنا هيهديه للقرار الصحيح.”