وفاء موصللي تتحدث عن تعرضها للخيانة الزوجية وخطتها للإنتقام

كشفت الممثلة السورية وفاء موصللي عن تعرضها لتجربة خيانة زوجية، لكن بأسلوب غير تقليدي، حيث روت تفاصيلها.

وقالت موصللي: “إذا بدي أحكي لك شي، رح تنصدم… في سنة من السنوات، زوجي تلقى دعوة للسفر إلى هولندا لحضور دورة تدريبية خاصة بالأطباء، وهناك وقع في الحب. ولما رجع، كان هذا هو الوقت اللي قررنا فيه إني أحمل، وكنت بالشهر الخامس لما اكتشفت الحقيقة… هالمرحلة كانت حساسة، والطفل بالشهر الخامس، فكان صعب جدًا علي… بالبداية اتألمت كثير، وزعلت، ومرقت بلحظات صعبة، لكن شفت قدامي إنسان مكسور فعلاً… كان حب حقيقي، ومش مجرد نزوة، وأنا مش إنسانة باردة المشاعر”.

وأضافت موصللي أن ما حدث لم يكن خيانة عادية، موضحة: “هو ما خانني بالطريقة التقليدية، كان فعلاً يحب، والحب شيء مختلف عن الخيانة. الخيانة ممكن تصير بلحظة ضعف، بس هو حب ممثلة، وكان الأمر عميقًا بالنسبة له”.

كما تحدثت عن صعوبة موقفها آنذاك قائلة: “بالبداية انجرحت كثير، وما كنت قادرة أتحمل فكرة إن بنتي تنولد وأبوها مش موجود. كنت في وضع مؤلم… بس لقيت نفسي بوضع أصعب، لأني شفت زوجي محطم. لهيك، طلبت من صديقاتي يساعدوني نعمل خطة نوهمه فيها بحب جديد… تخيّل! يمكن كان تصرف طفولي”. وتابعت: “خليناه يصدق إنه في فتاة جامعية عم ترسل له رسائل، وكان وقتها تليفونه صار ذكي وبيقدر يستقبل هيك رسائل…”.