شاركت الممثلة المصرية أيتن عامر مجموعة من الصور مع متابعيها، نشرتها عبر حسابها الخاص، صنعت بالذكاء الإصطناعي، جمعتها بوالدها الراحل.
و إستذكرت أيتن والدها من خلال هذا المنشور حيث وجهت له رسالة من قلبها حيث قالت: ” حلوة يا بابا ولا الناس كمان ، كل مرة بتحط فى اختبار صعب او ازمة مفيش حد بيجيى فى دماغى غيرك ، اول واحد بيبقى نفسي اجرى عليه و اقوله الحقنى بيبقى انت ، وجودك كان هيفرق اوى اوى ، يمكن عمرى ما قولت ان غيابك مسببلى ازمة كبيرة ولا قولت اللى جوايا ، بس هييجى يوم و ابقى قوية كفاية انى أواجه وجع قلبي و اطلع كل الكلام اللى جوايا و مقولتهوش ، زعلانة منك فى حاجات و مفتقداك فى حاجات اكتر بكتير ، و متأكدة ان لو كنت موجود كنت هتبقى السند بس غيابك خلانى أنا السند لنفسي و للى حواليا كمان ، لأن فيا منك كتير خصوصا قوتك و جدعنتك مع الكل ، بس أنا تعبت من كتر القوة و زهقت مبقتش عايزة ادخل حروب و لا عايزة مشاكل ، اللى عايز يفهم حاجة يفهمها و اللى عايزة ياخد فكرة ياخدها لا هبرر ولا هدافع ، بس اتطمن بنتك بميت راجل و مهما قابلت هتفضل واقفة و راسها فى السما هتاخد استراحة محارب و عمرها ما هتبدأ حروب بس دايما هتكون مستعدة و جاهزة لاى حاجة و ساعتها مش هيكون فى احتمالية للخسارة .
بحبك و وحشتنى و زعلانة منك و مشبعتش منك و جوايا وجع كبير بس مش هقولك غير كلمة واحدة
اتطمن بنتك قدها
الترند صورة متصورتهاش دة منتشر اوى اليومين دول و اول ما السوشيال ميديا تيم بعتولى الصورة لقتنى بكتب كلام كتير من قلبي و جوايا اكتر من كدة مليون مرة و عندى صور كتير اوى ناقصها وجود بابا حقيقي”.