لم يستطع مؤدي المهرجانات إسلام كابونجا تماسك دموعه عقب صدور قرار نقيب المهن الموسيقية في مصر مصطفى كامل، بإيقافه ومن ثم التوجه لشطبه بشكل نهائي من النقابة، وذلك بعد سلسلة من الإنذارات التي وُجهت له سابقًا.
وظهر كابونجا في بث مباشر عبر صفحته الرسمية قائلاً: “أنا خاضع لأي قرار يخرج من النقابة، لكن والله الأغاني اللي اتكلموا عنها قديمة… في ناس بتحبني وبتدعمني، وبيقولوا إنهم مع قرار القبض عليّ من غير ما يعرفوا الحقيقة”.
وأضاف وهو يبكي: “وحياة بنتي الأغاني دي من زمان، وحسبي الله ونعم الوكيل في كل حد بيقطع رزقي ورزق الناس اللي بتشتغل معايا… ليه فيه ناس عايزة تضرّني؟ ولو غلطت في يوم في كلمة فسامحوني”.
وتابع مؤكداً: “أنا رايح تحقيق… ادعولي أرجع لبنتي ومراتي. أنا اعترفت بغلطاتي، بس اللي بيتحاكموني عليه دلوقتي حاجات قديمة واتحاسبت عليها زمان… وأنا فعلاً غيرت في كلام أغانيّ، واللي بيسمعني عارف ده كويس”.