خرجت الفنانة إلهام شاهين عن صمتها بعد انتشار فيديو من إحدى ندوات مهرجان الجونة السينمائي، ظهرت فيه وهي تضحك إلى جانب الفنانة هالة صدقي أثناء حديث الفنانة لبلبة، ما دفع البعض لاتهامها بعدم احترام لحظة التكريم.
إلهام قررت توضيح تفاصيل الموقف وقالت: “الحوار اللي كان بيني وبين هالة مش المفروض أقول إحنا كنا بنقول إيه بس الحقيقة أنا بقولها أنا هموت عايزة أروح التواليت قالتلي بعيد وخلاص قربنا نخلص الندوة وهزرت وقالتلي أعمليها مكانك وخلاص وضحكنا وشاورت ليسرا يلا خلصوا الندوة عايزة أروح الحمام، هزار بين اتنين أصحاب لبلبة ملهاش دخل بيها تماما”.
وتابعت إلهام قائلةً: “لبلبة حبيبتي وصاحبتي وإحنا عشرة عمر مع بعض وهي عارفة هي إيه بالنسبة ليا هي صديقة غالية جدا والمسألة متخصهاش تماما إحنا بنتكلم في موضوع تاني خالص وهالة دايما بتقول قفشات تضحك وضحكنا الموضوع كوميدي جدا هي بتهزر بتقولي اعمليها مكانك مش هنعرف نقوم لأن لو قومنا اللي هيقولولنا تعالوا صوروا ويوقفونا في الطريق والتواليت بعيد وأنا فعلا مش قادرة وبقول ليسرا يالا عشان نقوم مرة واحدة”.
و كان قد تداول رواد مواقع التواصل الاجتماعي خلال الساعات القليلة الماضية مقطع فيديو من فعاليات مهرجان الجونة السينمائي، ظهرت فيه الممثلة المصرية لبلبة وهي تلقي كلمتها، وإلى جانبها عدد من النجوم، من بينهم الممثلتان إلهام شاهين وهالة صدقي.
وقد أثار الفيديو جدلاً واسعًا، حيث بدت إلهام شاهين وكأنها تلمّح إلى أن كلمة لبلبة طالت أكثر من اللازم، من خلال إيماءة بيدها، بينما ظهرت هالة صدقي وهي تضحك إلى جانبها، ما فسّره البعض على أنه تصرّف غير موفق.
اللقطة انتشرت بسرعة عبر مختلف المنصات، وتفاوتت ردود الفعل، إلا أن معظم التعليقات اعتبرت تصرف شاهين وصدقي غير لائق، خاصة أن الكاميرات التقطت كل شيء بوضوح.