ودّعت الممثلة المصرية جهاد حسام الدين أحد أعمدة المسرح التركي، الممثل هلدون دورمن، الذي وافته المنية عن عمر يناهز 97 عامًا، تاركًا إرثًا فنيًا وثقافيًا كبيرًا.
ونشرت جهاد عبر حسابها الرسمي مجموعة من الصور التي تجمعها بالراحل، إلى جانب صور من جنازته وصور شخصية له، مصحوبة بتعليق مؤثر: “هلدون دورمن هو من أهم المحطات في حياتي ، إني أتعرف عليه و أدرس معاه كان فعلا نقطة تحول كبيرة.
هلدون دورمن كان له دور اساسي في تطوير المسرح التركي خلال الفترة أو النظام الجمهوري، تقدروا تبحثوا عنه لو عايزين تعرفوا اكتر عن أثره علي الفنون و في مجال الثقافة عامة في البلد. بس الأهم من ده بالنسبة لي إنه كان راجل إستثنائي، كان محب للحياة و للمسرح بشكل خاص بطريقة جنونية، اتوفي عنده ٩٧ سنة مبطلش يوم شغل و إبداع، و تدريس، و كتابة، و غني، و بث الشغف في نفوس الطلبة و الفنانين اللي حواليه.
وجوده كان طاقة نور لكل اللي حواليه و زي ما أنا ليا قصة معاه و انه هو الشخص الأساسي اللي اداني ثقة و إلهام إني اختار طريق كنت خايفة جداً إني اعترف لنفسي إني عايزة اخده و ان ده ممكن يبقي نقطة بداية لحياة افضل مفعمة بالشغف ،فهو ليه قصص بردو كتير مع مئات و يمكن آلاف الفنانين.
دول شوية صور عشان تشوفوا ازاي اسطنبول ودعت هذا الرجل المسرحي الجميل، كنت اتمنى ابقي هناك بس أنا ممتنة إني بشارك الناس دي كلها, اللي اعرفهم و اللي معرفهمش منهم, حب هذا الرجل…
ربنا يرحمه و يغفرله و يرزقه الجنة…. آمين، الفاتحة..”.