تحدثت الفنانة الأردنية ديانا كرزون عن تأثرها بالحرب في غزة، ودخوها حالة إكتئاب بسبب ما يحدث.
وشاركت الجمهور صورة لطفل من غزة، وعلقت ساردة تفاصيل حالتها النفسية، وقالت: “أنا جد دخلت في حالة إكتئاب مش طبيعية، مش قادرة أستوعب شو عم بصير، فيه غصة كبيرة بالقلب، ببكي من جوا وما باليد حيلة غير الدعاء، بتحس إنو الإنسانية عم بتخف كثير او يمكن بلشت تنقرض او بطل في قيم ومبادئ زي زمان …قبل ما أتزوج كنت أحس أمي بتزودها شوي قديش كانت تخاف علينا، وبعد ما تزوجت حسيت قديش الضنا غالي كثير ولا شي بالعالم بيسوى شي قدام ولادي يلي هم أهم شي عندي وبالمرتبة الأولى. من وقت ما بلشت الأحداث وانا بشوف كل أم فلسطينية كيف بتودع اولادها وقلبها محروق عليهم وبنفس الوقت قديش قوية وجبارة. صرت ما أنام بالليل صار عندي أرق كل شوي أصحى أشوف راشد نايم وأصفن فيه وأدخل عند سلمى بغرفتها واتطمن عليها. آخ عالوجع! الله يكون في عونكم يا الله وحسبي الله ونعم الوكيل”.