شاركت الممثلة المصرية سلمى أبو ضيف مقطع فيديو طريف مع الجمهور عبر حسابها الخاص، ظهرت فيه في كواليس تصوير مسلسل “أعلى نسبة مشاهدة”، الذي يعرض حالياً في شحر رمضان، و علقت سلمى على المنشور ساخرةً بالقول: “شيماء خلف الكواليس وقت الفجر .
. طول الوقت كنت سامعه في ودني في المشهد دة .. … قلبي ومفتاحه دول ملك ايديك ومساه وصباحه بيسالني عليك”.
و كانت تحدثت سلمى أبو ضيف عن مسلسل “أعلى نسبة مشاهدة”، وعن سعادتها بردود فعل الجمهور وإهتمامه بالعمل.
وقالت سلمى أبو ضيف: “المسلسل كله كان صعب وكنا بنهتم بالتفاصيل العميقة، وحياة شيماء مش سهلة إطلاقاً، هي بتصحى كل يوم مش عارفة التريند والدنيا هتاخدها فين، ودا بيولّد عندها إرهاق جسدي ونفسي، دائماً. فيه ناس الظروف بتحطّها في مواقف أكبر منها، وبتخلّيها مش عارفة تتصرف إزاي، بالذات لما بيبقى في عدم وعي وخبرة، وخصوصاً لو الشخص محتاج فلوس، فبيبدأ يشوف أي فرصة. الناس مبقتش حاسة ببعضها ولا بتهتم بمشاعر أي شخص، وفي ناس بيكون عندها مصايب في حياتها، وكل اللي طالبينه إنهم ياكلوا ويسترزقوا، ومش بيلاقوا كمان ده للأسف، وفي ناس كتيره كده، وأنا تعاطفت مع شيماء، رغم أني مكنتش مهتمة بالتيك توك، بس لما لقيت في ناس فاتحة بيوتها من التيك توك، وعارضين حياتهم 24 ساعة للناس من أجل كسب العيش، وفيه منهم بيكسب حب الناس”.
حديث سلمى أبو ضيف جاء خلال مداخلة هاتفية لها ضمن برنامج “أسرار النجوم”، الذي تقدمه الإعلامية إنجي علي عبر إذاعة “نجوم إف إم”.