قررت الممثلة المصرية غادة عبد الرازق أن تكسر الصورة النمطية المرتبطة بالعمر، ووجهت رسالة ملهمة للنساء حول الثقة بالنفس والعناية بالجمال بعيدًا عن الهواجس المجتمعية.
وخلال لقائها في برنامج “كلام نواعم”، أكدت غادة أن مسألة العمر لم تكن يومًا هاجسًا بالنسبة لها، قائلة: “عمري ما شغلتني حكاية السن، ومن أول ما بدأت وأنا بطلع في أي برنامج وأقول عمري من غير تردد”.
وتابعت: “لما بقول سني الحقيقي دلوقتي، بحب أوصل رسالة لكل ست إنك ممكن يبقى شكلك كويس زيي لو اهتمّيتي بنفسك وبجسمك. مفيش حاجة اسمها لما تكبري تتخني أو شعرك يبيض غصب عنك. أنا عندي 55 سنة، حاولوا تبقوا زيي. أنا معملتش حاجة غريبة، ولا زيادة، ولا سحر، ولا عمليات تجميل… كل اللي بعمله حاجات طبيعية وبحافظ على نفسي”.
وعلى صعيد آخر، تغيب غادة عبد الرازق عن موسم دراما رمضان 2026، وذلك على خلفية خلافات مع الشركة المنتجة لمسلسل “عاليا” الذي كان من المقرر أن تشارك في بطولته.