أطل المخرج المصري محمد سامي على متابعيه، من خلال صورة شاركها معهم عبر حسابه الخاص، ظهر فيها من دبي بالإمارات العربية المتحدة، واستعرض سيارته الحمراء الفارهة، من نوع Ferrari SF90 Spider، ويصل سعرها إلى أكثر من 648,995 ألف دولار.
وعلّق محمد سامي على المنشور بالقول: “الأحلام لا تتحقق إلا إذا بذلتَ جهدًا. كل خطوة للأمام مبنية على جهد لا يراه أحد”.
من جهة ثانية، كانت وجهت الممثلة المصرية ملك أحمد زاهر، رسالة تقدير لـ محمد سامي، وذلك بعد تعاونهما سويًا في مسلسل “سيد الناس”، الذي عرض ضمن موسم دراما رمضان الماضي.
وكتبت ملك: “بوست في حب وتقدير الاستاذ محمد سامي.. شكرا استاذ محمد على الفرصة إلى ادتهالي والدور إلى انا سعيدة وفرحانة من قلبي اني بعمله وشكرا عشان من غيرك ماكنتش حبيت الشخصية كده وعشت جواها ومعاها وفي وقت قليل جدا بقيت ميادة”.
وأضافت: “شكرا يا استاذ عشان مش بتسيب ولا حد فينا من الكبير للصغير وشكرا عشان انت بتخاف على ممثلينك وبتغير عليهم اكتر منهم هما شخصيا وعمرك ما بتعدي ولا حتي لو غلطة صغيرة عشان انت اكتر حاجة بتهمك هي الممثل بكل تفاصيله”.
وتابعت: “و عشان كده محدش غيرك بيعرف يجمع كمية النجوم إلى كل واحد فيهم يشيل عمل لوحده في عمل واحد لأن كل ممثل عنده ثقة غير محدودة فيك وفإنك هاتطلعه بأحسن شكل، انا ماتوقعتش عمري رد الفعل ده على الدور دلوقتي خصوصا أن الشخصية لسه هاتشد اكتر قدام بس حقيقي إلى يطلع في مشهد في مسلسل لمحمد سامي بيتشاف وبيتميز بنفس القدر إلى ممكن ياخده بعد ٣٠ حلقة من أي عمل تاني مش بس مشهد واحد حقيقي انا فخورة اني جزء من عمل مهم زي سيد الناس”
وختمت رسالتها قائلة: “وفخورة اني كنت اختيارك ويارب اكون كنت قد الفرصه شكرا عشان اديتني الفرصة اكون ضمن مدرسة محمد سامي وشكرا عشان انت ابويا التاني يا سمسم بحبك”.