نشرت الممثلة المصرية منة فضالي عبر حسابها صورة جديدة، رافقتها بكلمات صادقة ونصائح موجّهة لمتابعيها، ردّت فيها على بعض الانتقادات التي وُجهت لها حول سفرها المتكرر وملابسها المكشوفة.
قالت منة في منشورها: “أوعى تصدق اللي يقولك صاحبتي وأختي وحبيبتي، أو صاحبي وأخويا وحبيبي إلا لو كان فعلاً كده. الكلام ببلاش لكن الأفعال بتحتاج مجهود. الفلوس حلوة وكل حاجة، بس مش كل حاجة. الفلوس ما بتشتريش الصحة ولا الأهل اللي فارقونا. في حاجات أهم من كل ده، صاحبك، دراعك، حبيبي، قرشي، وأخويا صحتي. ربنا ما يحوج حد لحد أبداً.”
وعن الانتقادات التي طالتها بسبب سفرها المتكرر، قالت منة: “هتقولوا لي: بتقولي الكلام ده وإنتي كل شوية في بلد؟ ومنين الفلوس؟ والجو النيل؟ أقول الحمد لله، أنا اشتغلت كتير جداً، وده رصيدي. ربما حظي مش زي كل الناس، بس أنا راضية والحمد لله على اللي ربنا أدهولي.”، وردّت على النقد الموجه لملابسها، مؤكدة: “يمكن أنا عند ربنا أحسن من ناس كتير، وأعمل خير كتير من غير إعلان، لأن اللي بيعمل خير مش لازم يقول. دي حاجة بيني وبين ربنا بس. كفاية إني عمري ما أذيت حد، بالعكس أنا دايماً بتأذى.”
وإختمت منة رسالتها قائلة: “اللي عاوز أقوله: محدش يعتمد على حد، ولا يصدق حد، ولا يثق في حد في الزمن ده. النفوس وحشة أوي. علشان كده أنا دايماً لوحدي أو مع أمي وكلابي وبس. ربنا يحرس الجميع من شر نفوس الناس.”
يذكر أن منة فضالي شاركت في موسم رمضان 2025 بمسلسل “سيد الناس” إلى جانب نخبة من الممثلين مثل عمرو سعد، خالد الصاوي، وإلهام شاهين، وتأليف وإخراج محمد سامي.