نشرت كلوي خليفة على صفحتها على موقع التواصل الإجتماعي، صورة لها من لحظة انتخابها الوصيفة الأولى لملكة جمال لبنان بيرلا حرب.
وقد وجهت رسالة مؤثرة أوردت فيها: “لأنّو كل حلم بيستاهل يتحقّق، حملت مسؤوليّة حلمي و سهرت كرمالو. و كلّ نبضة قلب اشتغلت فييّ و بِروحي شَقَّيت طريقي إلو.
وقتا تخايلت النّجاح، تخايلت إنّي قريبة من كلّ إنسان و من كلّ بيت ريحتو لبنان. اليوم، بِفتخر قول إنّي وصلت لأوّل نجاح و هو قلب النّاس.
حُبكُن و دَعمكن لَمَس قلبي و كان أَجمل تاج.
شكراً للمرشدين اللي رافَقوني و عَلَّموني أكتر من أيّ كتاب.
بحب هَنّي ملكة جمال لبنان و كلّ بنت شاركت بالمسابقة. بدّي قول لكلّ صبيّة مِنُّن إنّي ممنونة لمشاركتنا هالتّجربة سوا و و شكراً لكلّ صِفَة حلوة تبادلناها.و لأنّو القضيّة ما بتحتاج لَلَقب أو تاج لَتِتْنَفَّذ، بِشَغَف و إصْرار رح ثابِر لَوَصِّل قضيتي.مِن هون، من قلبي المليان أَمَل، و تحت سما لبنان، بَلَّشت الحلم و كلّ يوم عَم يكبَر”.