شاركت الممثلة اللبنانية جيسي عبدو متابعيها عبر مواقع التواصل الاجتماعي لحظات مميزة من كواليس مسلسل “لوبي الغرام”، حيث نشرت صورتين لها ظهرت فيهما مرتدية فستان الزفاف ضمن أحداث العمل الذي شاركت في بطولته.
وأرفقت جيسي الصور برسالة مؤثرة عبّرت فيها عن مشاعرها بعد انتهاء المسلسل، فكتبت:
“خلصت الحكاية… بس أثرها بعدو باقي فينا، متل حلمٍ .. كانت رحلة مليانة مشاعر، وضحكة، وتعب، وحب… والحمدلله ختمناها بنهاية بتشبه كل الأمنيات الحلوة.
كتير مبسوطة وفخورة بكل لحظة عشناها سوا، وبكل صديق ربحناه بهالمسلسل، وبالنجاح اللي وصل لكل قلب حبّ هالقصة. وإن شاء الله نكون قدرنا نكون خفيفين عليكم، ونزرع ولو لحظة فرح بظل هالايام الصعبة يلي عم نعيشها ..
كل الشكر والامتنان لفريق العمل الرائع، وعلى رأسهم المخرج جو بو عيد وشركة ايغل فيلمز للأخ العزيز الداعم الدائم جمال سنان والصديقة جويل بيطار ولشريك النجاح الصديق علاء مرعب وللكتاب writables وجيمي بو عيد ولكل الممثلين،ولكل شخص اشتغل بحب وتعب من إخراج وإنتاج وتمثيل، وكان جزء من هيدا النجاح..
وإن شاء الله… منلتقي قريبًا بحكاية جديدة، أجمل، وأقرب وتترك فينا اثر .. مع محبتي للجميع “