تحدث الممثل المصري مراد مكرم، عن تمكنه من إنقاص 24 كيلوغرام من وزنه خلال الفترة الماضية.
وقال مراد مكرم: “أنا جسمي كان حلو لحد قبل الجواز بـ 3 سنين، وزدت شوية بعد الجواز، ومراتي عيلتها كبيرة واتعزمنا كتير، ومع أكل ماما لقيت نفسي ضربت جامد، لكن برنامج الأكيل زودني 8 أو 10 كيلو. ابتديت أدخل في مشاكل صحية، ومكنتش عارف ألعب مع ابني في طفولته، وخدت وقت علشان أخرج من الدايرة المفرغة، وإني أطلع كل عاطفتي في الأكل سواء متضايق أو محبط أو أكافئ نفسي بالأكل، وجت فكرة الرجوع للجيم.
وفي حديث مع الممثلة والإعلامية إسعاد يونس، ضمن برنامج “صاحبة السعادة” المذاع عبر قناة dmc، علق الممثل على اللجوء إلى حلول سريعة مثل عمليات التكميم، وقال: “في حاجة اتعلمتها من أهلي، إني ما لم أكن مضطرا مفيش داعي أدخل تحت مشرط دكتور”.
كما أكد أن فقدان وزنه جاء على دفعتين، وقال: “في الرياضة من 4 أو 5 شهور، لكن بدأت أخس قبلها ونزلت 10 كيلو لأسباب مرضية وحقن من آثارها الجانبية إني إخس، ولما رجعت أتمرن ومع بعض نصائح المدرب في الأكل نزلت 14 كيلو. أنا كنت وصلت لـ 158 كيلو في 20 سنة، لما أخس في سنة أو سنة ونص مش معضلة ومش مستعجل، ولو نزلت لـ 100 كيلو بالعملية شكلي هيكبر 20 سنة”.