شارك الإعلامي الإماراتي أنس بوخش متابعيه عبر وسائل التواصل الاجتماعي، مقطع فيديو يوضح حادثاً غريباً تعرضت له سيارته أثناء ركنها في أحد الأماكن.
عبّر أنس عن دهشته من ما حدث، وعلق قائلاً: “ترددت إذا أنزل هالبوست أو لا. بعدين قلت ليش لا، خلني أنزله. السوشال ميديا ما لازم يكون بس عن اللحظات الحلوة، بس عن اللحظات اللي مب حلوة بعد؛ هاي هي الحياة. الحريقة اللي صارت كانت شي غريب وعشوائي. كنا مخلصين التصوير، وإحنا نودّع الضيوف، سمعت حد يقول: “فيه سيارة تحترق”. الغريب إني حسّيت إنها سيارتي قبل حتى ما أشوف. مشيت بهدوء أطالع، وفعلاً كانت سيارتي.
هاللحظات تخلّي الواحد يفكّر كيف نحن محظوظين. لو ما صار خلل تقني بالتسجيل وخلانا نتأخر، كنا بنكون داخل السيارة. ولو تأخرنا دقايق زيادة، بعد كنا بنكون فيها. الحمدلله صار وقتها ومكانها و بهالطريقة. كان فيه عمّال يشتغلون، وعندهم طفايات حريق، واستعملنا أكثر من وحدة. لو صارت الحريقة وإحنا نسوق أو حتى لو صار عند البيت، الله يعلم شو كان بيصير.
الحمدلله نحن بخير وآمنين. شكراً لكل شخص رسل لي، وآسف إذا ما رديت على البعض”.