عاشت عائلة الممثل المصري ماجد المصري لحظات إنسانية بالغة التأثر والخصوصية، بعدما رزقت الأسرة بأول أحفادها.
ولم تفوت ماهيتاب، إبنة ماجد المصري، هذه المناسبة السعيدة من دون أن تشارك متابعيها في أدق تفاصيل كواليس ولادة طفلها الأول الذي أطلقت عليه اسم “هارون”، واصفة مشاعر الأمومة الجياشة في رسالة مطولة ومؤثرة حظيت بتفاعل واسع.
ومن داخل غرفة العمليات، وثّقت ماهيتاب اللحظات الاستثنائية بصور جمعتها بزوجها، وأرفقتها بكلمات تفيض بالحب، مسترجعة بدايات هذه الرحلة قائلة: “في يوم، كنت مجرد خطين صغيرين ظاهرين على اختبار حمل…
خطين غيّروا حياتي كلها في لحظة
وبعدها بقيت صورة صغيرة جدًا على شاشة الدكتور، صغير لدرجة إننا كنا نفضل انا و بابا ندور عليك وسط الشاشه الكبيره عشان نطمن إنك موجود فعلًا… ومن وقتها وإنت مالي قلبي قبل حتى ما تبقى بين إيديا.
أول مرة سمعنا نبضك… عمرنا ما هننسي الإحساس ده.
نبضة خفيفة وضعيفة، بس بالنسبة لينا كانت أجمل صوت. كنت خايفة أفرح زيادة من كتر خوفي عليك، بس أنا أصلًا كنت حبيتك واتعلقت بيك من قبل ما أشوفك.
حتى اسمك… كنا مختارينه من زمان..
كأنك كنت مكتوب لقلبي من قبل ما تيجي الدنيا.
ركلاتك الصغيرة جوايا كانت بتوجعني أوقات، بس عمري ما اتضايقت منها… بالعكس، كانت أكتر حاجة بتطمني إنك بخير..
كنت بستنى كل حركة منك، كل رفسة قويه، كل إحساس بيك… وكنت بحس اني ملكه الدنيا بيك جوايا و اننا واحد .. ودلوقتي بعد ما بقيت بين إيديا، وحشاني الأيام دي اوي..
طول عمري كله كنت بحلم باللحظة اللي هشوفك فيها، وأحضنك، وأصدق إن حلمي بقي حقيقي…
والنهارده، وبعد كل الخوف، والتعب، والدعوات، والحب اللي كان بيكبر جوايا يوم عن يوم… الحلم اتحقق أخيرًا.
وبكل الحب، والفخر
أقدر أقول للعالم كله..
إنت ابننا يا هارون
10.5.2026
الف حمد وشكر لك يارب”.
وكان ماجد المصري قد زفّ البشرى لمتابعيه يوم 11 مايو/أيار الحالي، معلنًا بشكل رسمي عن استقبال حفيده الأول “هارون”، ومشاركًا إياهم الفرحة الكبيرة التي غمرت قلبه بهذه المناسبة العائلية السعيدة.
ونشر ماجد المصري صورة من داخل المستشفى تحمل اسم مولود إبنتها الجديد، وعلّق عليها بعبارة عكست مدى فخره وسعادته باللقب الجديد قائلًا: “الحمد لله ولله الحمد.. أكرمني الله وبقيت جد”.